नेपालगन्जमा सबैभन्दा अग्लो १०८ फिटको हनुमानको मूर्ति निर्माण

बागेश्वरी माताको सहरको रुपमा परिचित पश्चिम नेपालकै प्रमुख सहर नेपालगन्जको थप धार्मिक पहिचान बढाउने उद्देश्यले यहाँ देशकै सबैभन्दा अग्लो १०८ फिटको हनुमानको मूर्तिको निर्माण सम्पन्न गरिएको छ । सो मूर्ति नेपालगन्ज उपमहानगरपालिका वडा नम्बर २ बागेश्वरी मन्दिर नजिकै रहेको हनुमानगढी परिसरमा निर्माण गरिएको हो ।

नेपालगन्जलाई विशेष धार्मिक सहरका रुपमा नेपाल र भारतमा चिनाउने उद्देश्यले उपमहानगरपालिकाले देशकै सबैभन्दा अग्लो १०८ फिटको हनुमानको मूर्ति निर्माण गरेर तयार पारेको उपमहानगरका नगर प्रमुख प्रशान्त बिष्टले बताउनुभयो ।