व्यावसायिक घरानाले लिँदै आएको ग्यास अनुदान अब उपभोक्तालाई

काठमाडौँ । राज्यले सर्वसाधारण नागरिकको भान्सा सहज बनाउन खाना पकाउने (एलपी) ग्यासमा दिँदै आएको अर्बौँ रुपैयाँको अनुदान अब वास्तविक उपभोक्तामै केन्द्रित गरिने भएको छ ।

वर्षौँदेखि विपन्न तथा आम नागरिकको नाममा राज्यकोषबाट दिइने सहुलियत तारे होटल, ठुला रेस्टुरेन्ट र औद्योगिक प्रतिष्ठानहरूले लाभ लिँदै आएको निष्कर्ष निकाल्दै सरकार र नेपाल आयल निगमले नीतिगत सुधारको कडा कदम चाल्ने तयारी गरेका छन् ।