भोटेकोशी बाढीमा अभिभावक गुमाएका सन्तानलाई उच्च शिक्षासम्म पूर्ण छात्रवृत्ति

गत १० भदौको विनाशकारी भोटेकोशी बाढीमा परी अभिभावक गुमाएका तथा बेपत्ता भएका व्यक्तिका सन्तानले अब उच्च शिक्षासम्म पूर्ण छात्रवृत्ति पाउने भएका छन्।

शिक्षा तथा खेलकुद मन्त्रालयले उनीहरूलाई विद्यालय तहदेखि उच्च शिक्षासम्म निःशुल्क अध्ययनको व्यवस्था गर्न मन्त्रीस्तरीय निर्णयमार्फत प्रक्रिया अघि बढाएको हो। पहिलो चरणमा २७ जना विद्यार्थीलाई छात्रवृत्ति उपलब्ध गराउने निर्णय गरिएको छ। त्यसपछि प्रभावित बालबालिकाको पहिचान गर्दै क्रमशः थप विद्यार्थीलाई विभिन्न चरणमा छात्रवृत्ति प्रदान गरिने मन्त्रालयले जनाएको छ।