तिहारमा प्लास्टिकका ४७६ सामग्री महानगरको नियन्त्रणमा

तिहारमा बिक्रीका लागि राखिएका प्लास्टिकका ३३६ वटा माला र १४० वटा पुष्पगुच्छा काठमाडौं महानगरपालिकाले जफत गरेको छ ।

महानगर प्रहरी बलले चावहिल, कोटेश्वर, कालीमाटी, नयाँ बसपार्क, धुम्बाराहीलगायत स्थानबाट प्रतिबन्धित प्लास्टिकजन्य फूल तथा माला जफत गरेको हो । सबैभन्दा धेरै सामग्री कोटेश्वर र पानीपुरी चोकबाट जफत गरिएको महानगरले जनाएको छ ।