‘संवैधानिक प्रक्रियाको सम्मान’ : संसदीय सुनुवाइ समितिबाट सर्वोच्चका चार प्रस्तावित न्यायाधीशको नाम अनुमोदन, न्यायिक नेतृत्व सुदृढ बन्दै !

संसदीय सुनुवाइ समितिले सर्वोच्च अदालतका लागि प्रस्तावित चार न्यायाधीशको नाम अनुमोदन गरेको छ। १३ उजुरी परे पनि संवैधानिक प्रक्रिया पूरा गर्दै सरकारले न्यायिक नेतृत्वलाई पूर्णता दिन लागेको छ।

साथीहरू, संसदीय सुनुवाइ समितिले सर्वोच्च अदालतका लागि प्रस्तावित चार न्यायाधीशको नाम अनुमोदन गरेको छ। प्रस्तावित न्यायाधीशहरू रत्नबहादुर बागचन्द, चन्द्रबहादुर सारू, जनक पाण्डे र गोकर्ण डाँगीको नाम बैठकले अनुमोदन गरेको हो। न्याय परिषद्को गत असोज २० गतेको बैठकले उनीहरूलाई न्यायाधीश नियुक्तिका लागि सिफारिस गरेको थियो। उनीहरूविरुद्ध कात्तिक ९ गते उजुरी आह्वान गरिएको थियो भने बिहीबारसम्म उजुरी दिने समय थियो। प्रस्तावित न्यायाधीशविरुद्ध १३ जनाले उजुरी दिएका थिए। शुक्रबार र शनिबार सिंहदरबारस्थित संसदीय समितिमा उनीहरूको सुनुवाइ भएको थियो। यो प्रक्रियाले सरकारको पारदर्शिता र संवैधानिक प्रक्रियाप्रतिको सम्मानलाई प्रमाणित गरेको छ। जनताले हेरिरहेका छन्।