चिटिक्क सिँगारियो बुटवल

रुपन्देही, कात्तिक २२ गते । तिहार सुरु भएसँगै बुटवलको मुख्य बजारक्षेत्र चिटिक्क सिँगारिएको छ । बुटवलको चौराहा, अस्पताल लाइन, ट्राफिक चोक, हुँगोलपार्क तथा अमरपथ सडकक्षेत्रमा बुटवल उपमहानगरले बिजुलीबत्ती (झालर) टाँगेर झिलिमिली बनाएको छ ।

दीपावली आफैँमा उज्यालो पर्व भएकाले बुटवललाई उज्यालो सहरका रूपमा विकास गर्न साजसज्जा गरिएको बुटवल उपमहानगरपालिका प्रमुख खेलराज पाण्डेयले बताउनुभयो ।