मुन्दुम पदमार्गको प्रचारप्रसार गर्न कोशी प्रदेशले ल्यायो वेबसाइट

काठमाडौं – पूर्वी नेपालको चर्चित पर्यटकीय गन्तव्य मुन्दुम पदमार्गको प्रचारप्रसार तथा पर्यटन प्रवर्द्धन गर्ने उद्देश्यले वेबसाइट सञ्चालनमा ल्याइएको छ । पदमार्गको पर्यटकीय महत्त्व, प्राकृतिक सौन्दर्य र पदयात्रासम्बन्धी आवश्यक जानकारी पर्यटकलाई सहज रूपमा उपलब्ध गराउन कोशी प्रदेश सरकारले डिजिटल माध्यमको सुरुवात गरेको हो ।

कोशी प्रदेशको पर्यटन, वन तथा वातावरण मन्त्रालयले सञ्चालनमा ल्याएको वेबसाइटबाट मुन्दुम पदमार्गसहित प्रदेशका अन्य पर्यटकीय क्षेत्रबारे पनि जानकारी लिन सकिने टेम्केमैयुङ गाउँपालिकाका अध्यक्ष सरोज बस्नेतले बताए ।