मुन्दुम पदमार्गको प्रचारप्रसार गर्न कोशी प्रदेश सरकारले ल्यायो वेबसाइट

भोजपुर । पूर्वी नेपालको प्रमुख पर्यटकीय गन्तव्यका रूपमा परिचित मुन्दुम पदमार्गको प्रचारप्रसार तथा पर्यटन प्रवर्द्धनलाई थप प्रभावकारी बनाउने उद्देश्यले कोशी प्रदेश सरकारले नयाँ वेबसाइट सञ्चालनमा ल्याएको छ ।

कोशी प्रदेशको पर्यटन, वन तथा वातावरण मन्त्रालयले सञ्चालनमा ल्याएको उक्त वेबसाइटमार्फत मुन्दुम पदमार्गको पर्यटकीय विशेषता, पदयात्राका गन्तव्य, प्राकृतिक सौन्दर्य र स्थानीय संस्कृति लगायतका विषयमा जानकारी प्राप्त गर्न सकिनेछ ।