चाडपर्वमा बर्दियामा ट्राफिक प्रहरीको कडाई

बर्दिया । चाडपर्वमा हुन सक्ने सवारी दुर्घटना र यात्रु ठगी नियन्त्रण गर्न बर्दिया ट्राफिक प्रहरीले सुरक्षा जाँचमा कडाइ गरेको छ । हुलाकी सडकदेखि पूर्वपश्चिम राजमार्गसम्म सवारीसाधनको कागजपत्र, मापसे र क्षमताभन्दा बढी यात्रु बोके नबोकेको जाँच भइरहेको छ ।

चाडपर्वको समयमा सवारी दुर्घटना, यात्रुको असुरक्षा र यात्रु ठगीका घटना बढ्न सक्ने जोखिमलाई मध्यनजर गर्दै बर्दिया ट्राफिक प्रहरीले सडक सुरक्षा चेकजाँचलाई तीव्र बनाएको छ । नेपालगञ्जदेखि बर्दिया सदरमुकाम गुलरिया हुँदै पश्चिममा कैलाली जोड्ने हुलाकी सडक तथा पूर्वपश्चिम राजमार्गमा ट्राफिक प्रहरीले निगरानी बढाएको हो ।