जापानमा ५.७ म्याग्निच्युडको भूकम्प, २२ जना घाइते

काठमाडौं । जापानको मध्य क्षेत्रमा आइतबार बिहान गएको शक्तिशाली भूकम्पमा परी कम्तीमा २२ जना घाइते भएका छन् । भूकम्पका कारण पसलका सिसा फुटेका छन् भने मानिसहरू घर तथा भवनबाट बाहिर निस्केर भागेका थिए ।

जापानको मौसम विज्ञान एजेन्सी (जेएमए) ले भूकम्पको तीव्रता ५.७ म्याग्निच्युड मापन गरेको छ । अमेरिकी भूगर्भ सर्वेक्षण (यूएसजीएस) ले भने यसको तीव्रता ५.५ म्याग्निच्युड रहेको जनाएको छ । भूकम्पपछि साना परकम्पसमेत गएका थिए ।