१८ वर्षदेखि अलपत्र बेनीघाट-आरूघाट-लार्के सडक युद्धस्तरमा पूरा गर्न बाबुरामको माग

काठमाडौँ- पूर्वप्रधानमन्त्री डा.बाबुराम भट्टराईले उत्तरी गोरखाको चुमनुब्री गाउँपालिका हुँदै चीनको तिब्बत जोड्ने बेनीघाट-आरूघाट-लार्के (रुहिला) सडक निर्माणलाई युद्धस्तरमा अघि बढाउन सरकारसँग माग गरेका छन्।

आइतबार सामाजिक सञ्जालमार्फत धारणा सार्वजनिक गर्दै भट्टराईले १८ वर्षसम्म पनि सडक निर्माण सम्पन्न हुन नसक्नु र क्षेत्रफलका हिसाबले देशकै चौथो तथा गण्डकी प्रदेशको सबैभन्दा ठूलो पालिका सडक सञ्जालमा जोडिन नसक्नु विडम्बनापूर्ण भएको बताएका हुन्।