दैलेखमा हँसिया प्रहारबाट चार महिला घाइते, एकको अवस्था गम्भीर

दैलेखको ठाटीकाँध गाउँपालिका–४ धनकोटमा धारिलो हतियार हँसिया प्रहारबाट चार जना महिला घाइते भएका छन्। घाइतेमध्ये एक जनाको अवस्था गम्भीर रहेको छ भने एक जनाका दुवै हत्केला काटिएका छन्।

प्रहरीका अनुसार आइतबार बिहान करिब ५ बजे स्थानीय ३६/३७ वर्षीय बमबहादुर रावतले चन्द्रबहादुर पुन मगरको घरमा पुगेर घरका सदस्यहरूमाथि घरेलु हतियार हँसिया प्रहार गरी कुटपिट गरेका थिए।