सुतिरहेका बेला एक्कासि हँसिया प्रहार, १ जनाको मृत्यु

दैलेख । पश्चिम दैलेखको ठाटीकाँध गाउँपालिका—४, धनकोटमा आइतबार बिहान एक जना व्यक्तिले अन्धाधुन्ध धारिलो हतियार प्रहार गरेको घटनामा घाइते भएकी बीमा पुनमगरको मृत्यु भएको छ । उक्त वडाका वडाध्यक्ष केहेरसिंह कठायतले चन्द्रबहादुर पुनकी श्रीमती ४५ वर्षीया बीमाको मृत्यु भइसकेको पुष्टि गरेका छन् ।

सोही ठाउँका स्थानीय अन्दाजी ३६–३७ वर्षीय बमबहादुर रावलले बिहान सुतिरहेका बेला आएर एक्कासि अन्धाधुन्ध धारिलो हतियार प्रहार गरेका थिए । जसबाट बीमाको टाउको र अनुहारमा गम्भीर चोट लागेको थियो ।