इटहरीमा ट्रकको ठक्करबाट दुई जनाको मृत्यु

सुनसरी- सुनसरीको इटहरी उपमहानगरपालिका–१३ स्थित गणेश पेट्रोल पम्प नजिक ट्रकको ठक्करबाट मोटरसाइकलमा सवार दुई जनाको मृत्यु भएको छ। मृत्यु हुनेमा विराटनगर महानगरपालिका–३ निवासी स्पत अर्याल र विराटनगरकै वडा नम्बर २ निवासी शाश्वत पोखरेल रहेको इलाका प्रहरी कार्यालयले जनाएको छ।

गएराति करिब ११ः५० बजे कोशी लोकमार्गमा उत्तरबाट दक्षिणतर्फ जाँदै गरेको प्रदेश १–०४–००१ ख ०००८ नम्बरको ट्रकले विपरीत दिशाबाट आउँदै गरेको बा.प्र.०२–०२५ प ३१३६ नम्बरको मोटरसाइकललाई ठक्कर दिएको थियो।