दैलेखमा गाउँकै एक व्यक्तिले घरमै पुगेर हँसिया प्रहार गर्दा एकै परिवारका पाँचजना घाइते

काठमाडौं : दैलेखको ठाटीकाँध गाउँपालिका–४ धनकोटमा गााउँकै एक व्यक्तिले घरमै गएर धारिलो हतियार (हँसिया) प्रहार गरी कुटपिट गर्दा एकै परिवारका पाँच जना घाइते भएका छन्।

सोही ठाउँका अन्दाजी ३६-३७ वर्षीका बमबहादुर रावतले आइतबार बिहान करिब ५ बजे चन्द्रबहादुर पुन मगरको घरमा पुगी हँसिया प्रहार गरेका थिए। हँसिया प्रहारबाट पुन मगरका श्रीमती ४५ वर्षीया बीमा मगर, भाइबुहारी २५ वर्षीया महेसरा पुन, उनका छोरीहरू २३ वर्षीया तिला पुन र २० वर्षीया लक्ष्मी पुन र तीन महिनाकी नातिनी जानकी रोक्का मगर घाइते भएका छन्।