झापामा साढे २५ लाख बराबरको अवैध भारतीय फूल नष्ट

काठमाडाैँ – झापाको भद्रपुरबाट भन्सार छलेर अवैध रूपमा नेपाल भित्र्याइएको साढे २५ लाख रुपैयाँभन्दा बढी मूल्यको भारतीय फूल सशस्त्र प्रहरीले बरामद गरी नष्ट गरेको छ।

सशस्त्र प्रहरी बल नेपाल नं. २ गण हेक्वा झापाबाट खटिएको मोबाइल गस्ती टोलीले आइतबार (कार्तिक २२ गते) मध्याह्न १२ बजे भद्रपुर नगरपालिका-८ देवीबस्ती इलाकाबाट उक्त फूल बरामद गरेको हो ।