जाडो याम र छोटो दिनले बढाउन सक्छ मौसमी डिप्रेसन, यसरी गर्न सकिन्छ नियन्त्रण

काठमाडौं– जाडोयाम नजिकिँदै जाँदा दिन छोटा र घाम लाग्ने समय कम हुँदै जान्छ। यस्तो अवस्थामा मौसमी डिप्रेसनको समस्या हुने मानिसले आफ्नो शरीर र मस्तिष्कमा त्यसको प्रभाव महसुस गर्न सक्छन् ।

लाखौं मानिसमा देखिने अनुमान गरिएको ‘सिजनल अफेक्टिभ डिसअर्डर’ (एसएडी) अर्थात् मौसमी भावनात्मक विकार यस्तो समस्या हो, जसमा मानिसलाई सामान्यतया शरद ऋतुदेखि डिप्रेसनका लक्षण देखिन थाल्छन् र वसन्त वा गर्मीयाम सुरु भएपछि ती लक्षण कम हुँदै जान्छन् ।