ब्यारेकदेखि सडकसम्म कुकुर तिहारको रौनक (तस्बिरहरू)

काठमाडौँ- कुकुर तिहारको अवसरमा भक्तपुरको सानोठिमीस्थित श्री भैरव वाहन गुल्ममा तालिमप्राप्त कुकुरहरूबाट विभिन्न सैनिक कला प्रदर्शन गरिएको छ।

यमपञ्चकको दोस्रो दिन नरक चतुर्दशी तथा कुकुर तिहारका अवसरमा आयोजित कार्यक्रममा कुकुरहरूले दौड प्रतियोगिता, बेपत्ता व्यक्तिको खोजी, शङ्कास्पद वस्तुको पहिचान तथा निगरानी, अपराधीको गन्ध पहिचान गरी खोजी गर्ने र हाई जम्पलगायतका कला प्रस्तुत गरेका थिए। सो अवसरमा गुल्ममा रहेका सबै कुकुरको सामूहिक पूजा पनि गरिएको थियो।