मनाइयो कुकुर तिहार, साँझ लक्ष्मी पूजा गरिँदै

यमपञ्चकको तेस्रो दिन आज घरको बफादार पहरेदारका रूपमा रहने कुकुरको पूजा गरी मीठो खानेकुरा खान दिएर कुकुर तिहार मनाइएको छ। तिथिको घटबढका कारण आजै साँझ धनधान्यकी देवी लक्ष्मीको पूजा आराधनासहित घरघरमा दीपावली गरिँदै छ।

धार्मिक विश्वासअनुसार कार्तिक कृष्ण चतुर्दशीका दिन कुकुरलाई पूजा गरी खाना दिए यमलोकको यात्रा सहज हुने मानिन्छ। धर्मशास्त्रविद् प्रा. तोयराज नेपालका अनुसार यमराजको मूलढोकामा पहरेदारका रूपमा बस्ने श्याम र सबल नामका दुई कुकुरले बाटो छोडिदिने मान्यता छ।