एसिया कपमा नेपालको दोस्रो हार : यूएईसँग सात विकेटले पराजित

काठमाडौँ – एसीसी यू–१९ एसिया कपमा नेपाल लगातार दोस्रो खेलमा पराजित भएको छ । पहिलो खेलमा भारतसँग १० विकेटको हार खाएको नेपाल दोस्रो खेलमा संयुक्त अरब इमिरेट्स (यूएई)सँग सात विकेटले पराजित भएको हो ।

ओमनको अल अमेरात मैदानमा टस जितेर यूएईले फिल्ड रोजेपछि पहिला ब्याटिङ गरेको नेपाल ४१ ओभरको समाप्तिमा सबै विकेट गुमाएर १५३ रनमा समेटिएको थियो । नेपालले दिएको १५४ रनको लक्ष्य यूएईले ४४ ओभर ४ बलको समाप्तिमा तीन विकेट गुमाएर १५८ रन बनाउँदै पूरा गरेको हो ।