बिल लिने उपभोक्तासँगै बिल जारी गर्ने व्यवसायीले पनि पाउने भए उपहार

सरकारले करदाता प्रोत्साहन उपहार कार्यक्रमअन्तर्गत खरिद बिल लिने उपभोक्तासँगै बिल जारी गर्ने व्यवसायीलाई समेत उपहार दिने व्यवस्था गरेको छ।

अर्थ मन्त्रालयले उपभोक्ता र व्यवसायी दुवैलाई कर प्रणालीमा सहभागी गराउने उद्देश्यले यस्तो व्यवस्था गरेको हो। मन्त्रालयले वस्तु तथा सेवा खरिद गर्दा अनिवार्य रूपमा बिल लिन र बिक्री गर्दा अनिवार्य रूपमा बिल जारी गर्न सबै उपभोक्ता तथा व्यवसायीलाई आग्रह गरेको छ।