यूएईसँग नेपाल ७ विकेटले पराजित

ओमानमा जारी यू–१९ एसिया कप क्रिकेट प्रतियोगितामा नेपाल यूएईसँग सात विकेटले पराजित भएको छ । नेपालले दिएको १५४ रनको सामान्य लक्ष्य यूएईले ३४ ओभर ४ बलमा तीन विकेट गुमाएर पूरा गर्‍यो।

टस हारेर पहिले ब्याटिङ गरेको नेपालले ४१ ओभरमा सबै विकेट गुमाउँदै १५३ रन बनाएको थियो । नेपालको ब्याटिङमा सोहिल कुँवरले सर्वाधिक ३३ रन बनाएका थिए। सचिन भट्टले ३२ रन जोड्दा नीरजकुमार यादव र दर्शन सोनारले समान १६ रन बनाए। अन्य ब्याट्सम्यानले उल्लेख्य प्रदर्शन गर्न सकेनन्।