काठमाडौंमा कारले दियो स्कुटरलाई ठक्कर, महिलाको मृत्यु

काठमाडौं । काठमाडौंमा कारको ठक्करबाट एक महिलाको मृत्यु भएको छ । आइतबार (कात्तिक २२) दिउँसो करिब २ः२० बजे काठमाडौं महानगरपालिका–३, वसुन्धारास्थित सडकखण्डमा कारले ठक्कर दिँदा स्कुटरमा पछाडि सवार २७ वर्षीया ङबुदि शेर्पा (श्रेष्ठ)को मृत्यु भएको प्रहरीले जनाएको छ ।

नारायणगोपाल चोकबाट सामाखुसीतर्फ जाँदै गरेको बा.प्र.०१–०२७ च ९७३६ नम्बरको उक्त कार धादिङ घर भई काठमाडौंको बालुवाटारमा बस्दै आएकी ४२ वर्षीया शान्ताकुमारी तामाङले चलाएकी थिइन् । कारले चक्रपथतर्फ आउँदै गरेको बा.प्र.०२–०६४ प ८९७५ नम्बरको स्कुटरलाई ठक्कर दिएको प्रहरीले जनाएको छ ।