मध्य जापानमा ५.७ म्याग्निच्युडको भूकम्प, २४ जना घाइते

मध्य जापानमा आइतबार बिहान ५.७ म्याग्निच्युडको भूकम्प गएको छ। भूकम्पका कारण कम्तीमा २४ जना घाइते भएका छन् भने भवनका झ्यालका सिसा फुट्नुका साथै रेल सेवा प्रभावित भएको छ। जापानका अधिकारी तथा स्थानीय सञ्चारमाध्यमले भूकम्पबाट भएको क्षतिबारे जानकारी दिएका छन्।

जापान मौसम विज्ञान एजेन्सीका अनुसार स्थानीय समयअनुसार बिहान १ बजेर ४ मिनेटमा टोकियोको पश्चिममा पर्ने सिजुओका क्षेत्रमा भूकम्प गएको हो। भूकम्पपछि सुनामीको चेतावनी जारी गरिएको छैन।