यू-१९ एसिया कप : नेपालको लगातार दोस्रो हार, युएईसँग ७ विकेटले पराजित

ओमानमा जारी एसिसी यू-१९ पुरुष एसिया कप क्रिकेट प्रतियोगितामा नेपालले लगातार दोस्रो हार व्यहोरेको छ। आइतबार सम्पन्न खेलमा युनाइटेड अरब इमिरेट्स (युएई) सँग नेपाल ७ विकेटले पराजित भएको हो।

यसअघि पहिलो खेलमा भारतविरुद्ध १० विकेटको पराजय भोगेको नेपालको यो लगातार दोस्रो हार हो। युएईले भने प्रतियोगितामा पहिलो जित निकालेको छ। नेपालले प्रस्तुत गरेको १५४ रनको सामान्य लक्ष्य युएईले ३४.४ ओभरमा ३ विकेट गुमाएर सहजै पूरा गर्‍यो।