यूएईसँग नेपाल सात विकेटले पराजित

काठमाडौं । ओमानमा जारी एसीसी यू–१९ एसिया पुरुष क्रिकेट प्रतियोगिताअन्तर्गत युनाइटेड अरब इमिरेट्स (यूएई)सँग नेपालले सात विकेटको हार व्यहोरेको हो । यस प्रतियोगितामा नेपालको यो लगातार दोस्रो हार हो ।

पहिलो खेलमा नेपालले भारतसँग १० विकेटको पराजय व्यहोरेको थियो । यूएईले भने प्रतियोगितामा जितको खाता खोलेको छ । आइतबार नेपालले दिएको १५४ रनको सामान्य लक्ष्य यूएईले ३४.४ ओभरमा तीन विकेट गुमाएर भेट्टायो ।