सशस्त्र प्रहरीका राष्ट्रसेवक कुकुरहरू सम्मानित

काठमाण्डु – कुकुर तिहारको अवसरमा नक्सालस्थित नारायणचौर पार्कमा आयोजित विशेष कार्यक्रममा सशस्त्र प्रहरीको ‘सर्च एन्ड रेस्क्यु’ ट्रेडमा कार्यरत ‘साम्वा’ राष्ट्रसेवक कुकुरलाई विशेष सम्मान गरिएको छ ।

कार्यक्रममा तालिमप्राप्त कुकुर ‘साम्वा’लाई मुख्य मञ्चमा राखी पूजा अर्चनाका साथ विशेष सम्मान गरिएको हो। ल्याब्राडोर जातको साम्वाले भोटेकोशी बाढीमा बेपत्ता व्यक्तिहरूको खोज तथा उद्धारका क्रममा १५ वटा शव पत्ता लगाउन महत्त्वपूर्ण योगदान पुर्‍याएको थियो ।