गगनलाई देउवाको आरोप : १८ करोडमा  पार्टी बेच्नेले काँग्रेस जोगाउँछ ?

काठमाडाैँ । नेपाली कांग्रेसका पूर्वसभापति शेरबहादुर देउवा पार्टीको आधिकारिकतासम्बन्धी विवादलाई लिएर पार्टी सभापति गगन थापामाथि आक्रामक रूपमा प्रस्तुत भएका छन् । पार्टीको आधिकारिकता पैसाको प्रभावमा टुंग्याइएको आरोप लगाउँदै देउवाले १८ करोड रुपैयाँमा पार्टी बेच्नेले कांग्रेस जोगाउन नसक्ने टिप्पणी गरेका छन् ।

शनिबार काठमाडौंमा आयोजित नेपाली कांग्रेस काठमाडौं जिल्ला समितिको नियमित १५ औँ अधिवेशनलाई सम्बोधन गर्दै देउवाले पार्टीको आधिकारिकतासम्बन्धी निर्णय प्रक्रियामाथि गम्भीर प्रश्न उठाए । उनले निर्वाचन आयोगको निर्णय निष्पक्ष प्रक्रियाबाट नभई दबाब र आर्थिक चलखेलबाट प्रभावित भएको दाबी समेत गरे । देउवाले निर्वाचन आयुक्तहरूलाई ज्यानको धम्की दिएपछि अर्को पक्षको पक्षमा निर्णय गर्नुपरेको भन्ने समाचार सार्वजनिक भएको बताउँदै गर्दै आयोगको भूमिकामाथि प्रश्न उठाएका थिए । उनले गगनलाई लक्षित गर्दै १८ करोड रुपैयाँमा पार्टी अरूलाई बेच्नेले कांग्रेस जोगाउन नसक्ने जिकिर गरे ।