विपद् उद्धारमा खटिने ‘साम्वा’सहित सशस्त्रका राष्ट्रसेवक कुकुरहरू सम्मानित

काठमाडौं : यमपञ्चकको दोस्रो दिन कुकुर तिहारको अवसरमा विपद् उद्धार तथा सुरक्षा व्यवस्थापनमा महत्त्वपूर्ण योगदान पुर्याउने ‘साम्वा’सहित सशस्त्र प्रहरी बलका राष्ट्रसेवक कुकुरहरूलाई सम्मान गरिएको छ।

काठमाडौंको नक्सालस्थित नारायणचौर पार्कमा आयोजित विशेष कार्यक्रममा सशस्त्र प्रहरीको ‘सर्च एन्ड रेस्क्यु’ समूहमा कार्यरत तालिमप्राप्त कुकुर ‘साम्वा’लाई मुख्य मञ्चमा राखेर पूजाअर्चनासहित विशेष सम्मान गरिएको हो।