लक्ष्मीपूजा: विद्युत् माग १ हजार ८१३ मेगावाट पुग्यो

काठमाडौं । यस वर्षको लक्ष्मीपूजाका दिन नेपालमा विद्युत्को उच्चतम माग एक हजार ८१३ मेगावाट पुगेको छ। आइतबार साँझ ६ः१५ बजे विद्युत्को उच्चतम माग रेकर्ड गरिएको नेपाल विद्युत् प्राधिकरणले जनाएको छ।

प्राधिकरणका अनुसार उक्त समयमा नेपालको कुल विद्युत् उत्पादन दुई हजार ४००.३० मेगावाट थियो। कुल उत्पादनमध्ये एक हजार ८१३ मेगावाट आन्तरिक खपत भएको थियो भने ५८७.३० मेगावाट विद्युत् भारततर्फ निर्यात गरिएको थियो।