लक्ष्मीपूजाको साँझ झिलिमिली काठमाडौं

काठमाडौं, २२ कात्तिक । तिहारको तेस्रो दिन आइतबार देशभर धनधान्य र सम्पन्नताकी देवी लक्ष्मीको पूजा आराधना गरी लक्ष्मीपूजा मनाइएको छ। तिहारको मुख्य दिनका रूपमा मनाइने लक्ष्मीपूजामा हिन्दू धर्मावलम्बीहरूले घर, कार्यालय, उद्योग तथा व्यावसायिक प्रतिष्ठानमा दीप प्रज्ज्वलन गरी लक्ष्मीको पूजा गरेका छन्।

लक्ष्मीपूजाका अवसरमा घर तथा कार्यालयहरू विभिन्न रङका आकर्षक रंगोलीले सजाइएका छन्। लक्ष्मीको स्वागतका लागि घरको मूलढोका खुला राख्ने परम्परासमेत रहेको छ।