चुनावपछि सेयर बजारमा तीन ट्रिलियन डलर गुमेको ट्रम्पको दाबी, भने : हामी बलियो भएर फर्किनेछौँ

अमेरिकी राष्ट्रपति डोनाल्ड ट्रम्पले मध्यावधि चुनावको नतिजापछि अमेरिकी सेयर बजारमा एकै दिन तीन ट्रिलियन डलर बराबरको बजार मूल्य घटेको दाबी गरेका छन्।

उनले चुनावको नतिजाले अमेरिका इतिहासमै धेरै कदम पछाडि गएको बताएका छन्। ट्रम्पले आफ्नो सामाजिक सञ्जाल ट्रुथ सोसलमा पोस्ट गर्दै आफ्नो नेतृत्वमा तीव्र गतिमा अघि बढिरहेको सेयर बजारले चुनावपछि ठुलो क्षति बेहोर्नुपरेको दाबी गरेका हुन्। उनले लेखेका छन्, ‘तर चिन्ता नगर्नुहोस्, हामी पहिलेभन्दा ठुलो र बलियो भएर फर्किनेछौँ।’