जलविद्युत् कम्पनीको सामाजिक उत्तरदायित्वमा जोड

कास्कीको मादी गाउँपालिकाले गाउँपालिकाभित्र सञ्चालनमा रहेका जलविद्युत् आयोजनालाई दायरामा ल्याउन पहल सुरु गरेको छ । गाउँपालिकाले सबै जलविद्युत् कम्पनीलाई पालिकामा सूचीकृत गर्ने तयारी गरेको हो ।

गाउँपालिकाले नेपाल सरकारको कम्पनी कानुनबमोजिम दर्ता भई सञ्चालनमा रहेका तर गाउँपालिकाको कार्यालयमा सूचीकृत नभएका जलविद्युत् कम्पनीलाई आवश्यक कागजातसहित पालिकामा सूचीकृत हुनका लागि आह्वान गरेको छ ।