नेपालगन्जका दुई बिजुली पसलमा आगलागी, तीन करोडको क्षति

नेपालगन्ज बजारसँग जोडिएको जानकी गाउँपालिका–३ कोरियनपुरस्थित दुई बिजुली पसलमा आइतबार भीषण आगलागी हुँदा करिब तीन करोड रुपैयाँ बराबरको क्षति भएको अनुमान गरिएको छ ।

जिल्ला प्रहरी कार्यालय बाँकेका प्रहरी नायब उपरीक्षक प्रतितसिंह राठौरका अनुसार आगलागीबाट जय हनुमान ट्रेड एण्ड सप्लायर्स र लक्ष्मी बिजुली भण्डारमा क्षति पुगेको छ ।