रोग र विषादीले मौरीपालन व्यवसाय सङ्कटमा

झापा– ‘मौरी दिदी’ भनेर परिचित शिवसताक्षी नगरपालिका–११ की देवीकुमारी दाहालले पालेका १५० घारका मौरी रोग लागेपछि मरेका छन् । अब उनको ५० घारमा मात्र मौरी बाँकी छन् ।

अठार वर्षअघि एक हजारको लगानीमा दुई घार मौरीबाट व्यावसायिक मौरीपालन सुरु गरेकी उनको समूहसँग कुनै बेला ९०० सम्म मौरीका घार थिए । वार्षिक १० हजार किलो शुद्ध मह उत्पादन गर्दै उनले बर्सेनि ३० लाखसम्म आम्दानी गर्थिन् ।