मोरङमा रड प्रहार गरी एक पुरुषको हत्या, दुई जना पक्राउ

काठमाडौँ- मोरङको जहदा गाउँपालिका–२, मोहनपुरमा रड प्रहार गरी एक पुरुषको हत्या गरिएको छ। घटनामा संलग्न रहेको आरोपमा मृतककी श्रीमतीसहित दुई जनालाई प्रहरीले पक्राउ गरेको छ।

प्रहरीका अनुसार हिजो राति करिब ९ बजे स्थानीय ४० वर्षीय बुधराम सोरेनमाथि उनकी श्रीमती ३५ वर्षीया कमली बास्के र भारतको बिहार निवासी २७ वर्षीय सुनिल मिश्रले टाउकोमा रड प्रहार गरेका थिए। रड प्रहारबाट सोरेनको घटनास्थलमै मृत्यु भएको बताइएको छ।