वरिष्ठ पत्रकार ऋषि धमलाद्वारा विधिपूर्वक गाईको पूजा

काठमाडौं । हिन्दू धर्म, संस्कृति तथा परम्परामा गाईलाई माता समान मानेर श्रद्धा र भक्तिपूर्वक पूजा गर्ने पवित्र दिन गाई तिहारका अवसरमा वरिष्ठ पत्रकार तथा स्वतन्त्र नागरिक अभियान नेपालका संयोजक ऋषि धमलाले गाईको पूजा गरेका छन्।

धमलाले गाईलाई विभिन्न प्रकारका खानेकुरा खुवाउँदै विधिपूर्वक पूजा गरेका हुन्। हिन्दू धर्म र संस्कृतिमा गाईको विशेष धार्मिक, सांस्कृतिक तथा सामाजिक महत्त्व रहेको उल्लेख गर्दै उनले गाईको गोबरदेखि दूधसम्म मानव जीवनका लागि उपयोगी रहेको बताए।