कहिले होला राष्ट्रिय सभाका दुई सदस्यको पदपूर्ति?

तीन महिनाभन्दा बढी समयदेखि रिक्त दुई पदमा अझै अन्योल, एक सदस्यको निर्वाचन र अर्कोको राष्ट्रपतिबाट मनोनयन हुनुपर्ने भए पनि सरकारले प्रक्रिया अघि बढाएको छैन ।

राष्ट्रिय सभालाई पूर्णता दिने विषयमा सरकारले चासो नदेखाउँदा माथिल्लो सदनका दुई सदस्य पद तीन महिनाभन्दा बढी समयदेखि रिक्त छन्। एउटा पदमा निर्वाचन र अर्कोमा राष्ट्रपतिबाट मनोनयन हुनुपर्ने संवैधानिक तथा कानुनी व्यवस्था भए पनि दुवै प्रक्रिया अघि बढ्न सकेका छैनन्।