बालेन्द्र सरकारलाई वीरगञ्जका प्रमुख प्रशासकीय अधिकृतको चुनौती

मधेश प्रदेशको एक मात्र महानगरपालिका वीरगञ्जका प्रमुख प्रशासकीय अधिकृत वसन्त बोहरामाथि कार्यालय सञ्चालन र रकम निकासालगायतका विषयमा मनोमानी गरेको आरोप लागेको छ। उनको कार्यशैलीबाट जनप्रतिनिधि, कर्मचारी, ठेकेदार, आपूर्तिकर्ता र उपभोक्ता समिति आजित बनेका छन्।

लामो समयदेखि भुक्तानी रोकिँदा महानगरपालिकाभित्र सञ्चालित विभिन्न आयोजनाहरू प्रभावित भएका छन्। समयमै रकम भुक्तानी नहुँदा विभिन्न ठेक्काअन्तर्गत काम गर्ने मजदुरले समेत तिहार र छठका बेला पारिश्रमिक पाउन सकेका छैनन्।