भारतीय बजारमा भीषण आगलागी, दमकलसहितको नेपाली टोलीले निभायो आगो

भारतको उत्तर प्रदेशस्थित खिरी जिल्लाको वनगाउँ बजारमा भएको भीषण आगलागी नियन्त्रणमा नेपालबाट पुगेको दमकल टोलीले सहयोग गरेको छ । सीमावर्ती भारतीय बजारमा आगलागी भएपछि धनगढी उपमहानगरपालिकाको दमकल, नगर प्रहरी, सशस्त्र प्रहरी, नेपाल प्रहरी र स्थानीयको सहयोगमा आगो नियन्त्रणमा लिइएको थियो ।

लक्ष्मीपूजाका निम्ति बालिएका झिलिमिली बत्तीबाट विद्युत सर्ट भएर आगलागी भएको भारतको पलियाका स्थानीय पत्रकार शिशिर शुक्लाले जानकारी दिएका छन् । आगलागीबाट वनगाउँ बजारका करिब ६० पसल जलेर नष्ट भएको उनले बताए ।