नेपाली संस्कृति कमजोर गयो, सबै सजग हौँ : ओली

काठमाडौँ- नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले नेपाली संस्कृति कमजोर हुँदै गएको भन्दै यसप्रति सबै नेपाली सजग हुनुपर्ने बताएका छन् ।

सोमवार भक्तपुरमा नेकपा एमाले जिल्ला कमिटी भक्तपुरले आयोजना गरेको बडादसैँ, शुभदीपावली, नेपाल संवत् ११४७ तथा छठ पर्वको अवसरमा आयोजित चियापान तथा शुभकामना आदानप्रदान कार्यक्रममा बोल्दै अध्यक्ष ओलीले नेपाली संस्कृतिमाथि हमला भइरहेको टिप्पणी गरेका हुन् । उनले साना देखिने सांस्कृतिक गतिविधिभित्र पनि ठूलो सामाजिक र सांस्कृतिक महत्त्व लुकेको हुने बताए।