सांस्कृतिक र नैतिक चेतना कमजोर हुँदा राजनीतिमा विकृति बढ्यो :ओली

काठमाडौं । नेकपा एमालेका अध्यक्ष केपी शर्मा ओलीले समाजमा सांस्कृतिक तथा नैतिक चेतनाको स्तर कमजोर बन्दै जाँदा त्यसको प्रभाव राजनीतिमा समेत परेको बताएका छन् ।

सोमबार नेकपा एमाले जिल्ला कमिटी भक्तपुरले बडादसैँ, शुभदीपावली, नेपाल संवत् ११४७ र छठ पर्वको अवसरमा आयोजना गरेको चियापान तथा शुभकामना आदानप्रदान कार्यक्रममा बोल्दै ओलीले समाजमा परोपकार, करुणा र सिर्जनशीलताभन्दा स्वार्थ तथा विनाशकारी प्रवृत्ति हाबी हुँदै गएको टिप्पणी गरे ।