भारतमा आगलागीबाट एकै परिवारका ६ जनाको मृत्यु

काठमाडौं । भारतको मध्यप्रदेशस्थित सिवनी जिल्लामा सोमबार बिहान सुनचाँदी व्यवसायीको तीनतले घरमा भीषण आगलागी हुँदा एकै परिवारका छ जनाको मृत्यु भएको छ भने अन्य चार जना घाइते भएका छन् । मृत्यु हुनेमा तीन महिला र एक नाबालकसमेत छन् ।

समाचार एजेन्सी पीटीआईका अनुसार दीपावलीको भोलिपल्ट बिहान ४ बजेदेखि ४ः३० बजेको बीचमा छपारा सहरको महावीर वार्डस्थित जैन मन्दिरनजिकै रहेको सुनचाँदी व्यवसायी कुन्दनलाल सोनीको घरमा आगलागी भएको हो ।