नेपालगन्जमा बिद्युत सर्ट भएर आगलागी हुँदा करोडौं क्षति

नेपालगन्जमा भएको आगलागीबाट करोडौं रुपैयाँ बराबरको क्षति भएको छ । जिल्लाको जानकी–३ स्थित ‘जेएस स्कुल’ नजिक रहेको स्थानीय तुलसा बस्नेतको घरमा रहेको लक्ष्मी बिजुली भण्डार एण्ड सप्लासर्य र जय हुनमान ट्रेड एण्ड सप्लायर्समा आगलागी भएको हो ।

जिल्ला प्रहरी कार्यालय बाँकेका प्रवक्ता एवम् प्रहरी नायव उपरीक्षक(डिएसपी) प्रतीत सिंह राठौंरले उक्त आगलागीबाट अनुमानित ४ देखी ५ करोड रुपैयाँ बराबरको क्षति भएको जानकारी दिए । बिद्युत सर्ट भएर आगलागी भएको हुन सक्ने प्रहरीको आशंका छ ।