तिहारले आपसी सद्भाव र समृद्धिको भावना अभिवृद्धि गर्छ:राष्ट्रपति पौडेल

काठमाडौं – राष्ट्रपति रामचन्द्र पौडेलले तिहारले नेपाली समाजमा आपसी सद्भाव, सहिष्णुता, भ्रातृत्व र समृद्धिको भावना अभिवृद्धि गर्ने विश्वास व्यक्त गर्नुभएको छ । तिहार पर्व २०८३ का अवसरमा शुभकामना सन्देश जारी गर्दै उनले सांस्कृतिक, पौराणिक तथा वैज्ञानिक महत्व बोकेको तिहार उज्यालो र प्रकाशको पर्व भएको बताएको छ। यस पर्वले विभिन्न जातजाति, भाषाभाषी र संस्कृतिलाई एकताको सूत्रमा बाँध्ने काम गरेको उनको भनाइ छ ।

राष्ट्रपति पौडेलले तिहारलाई नेपालको मौलिक संस्कृति संरक्षण गर्ने महत्वपूर्ण पर्वका रूपमा उल्लेख गर्नुभएको छ। भाइटीका र म्हपूजाले प्रेम, स्नेह, सामाजिक एकता र समृद्धिको सन्देश दिने उल्लेख गर्दै उहाँले तिहारका सांस्कृतिक अभ्यासले धर्म, दया, करुणा तथा अन्धकारमाथि प्रकाशको विजयको भावना अभिव्यक्त गर्ने बताएको छ ।