लुम्बिनीमा फूलखेतीबाट करिब १० करोड आम्दानी, भारतबाट आयात घट्यो

काठमाडौं – तिहारलाई लक्षित गर्दै लुम्बिनी प्रदेशका १२ वटै जिल्लामा व्यावसायिक फूलखेती र कारोबार बढेको छ । यस वर्ष प्रदेशमा उत्पादित फूल बिक्रीबाट किसानले करिब १० करोड रुपैयाँ आम्दानी गर्ने अनुमान गरिएको छ ।

लुम्बिनी प्रदेश कृषि विकास निर्देशनालयका अनुसार यस वर्ष प्रदेशभर २८१ मेट्रिक टन फूल उत्पादन भएको छ। त्यसबाट ९ करोड ७९ लाख ५० हजार रुपैयाँ बराबरको कारोबार हुने अनुमान छ। किसानले खेतबाटै प्रतिकिलो ३०० देखि ३५० रुपैयाँसम्ममा फूल बिक्री गरिरहेका छन् भने उपभोक्ताले प्रतिकिलो ५०० रुपैयाँसम्म तिर्नुपरेको छ ।