दसैंका तीन सिक्वेलको संयुक्त कमाइ साढे १२ करोड, कुन फिल्म कति दर्शकले हेरे?

यस वर्ष दसैंमा प्रदर्शनमा आएका तीन सिक्वेल फिल्म 'आबाट आमा २', 'छ माया छपक्कै २' र '१२ गाउँ २' को बक्स अफिस व्यापार सुस्त देखिएको छ। पछिल्लो एक सातामा यी तीनवटै फिल्मले संयुक्त रूपमा ६५ लाख रूपैयाँभन्दा बढी मात्रै ग्रस कमाइ थपेका छन्।

चलचित्र विकास बोर्डले सोमबार सार्वजनिक गरेको कात्तिक २२ गते आइतबारसम्मको बक्स अफिस रिपोर्टअनुसार तीनवटै फिल्मले हालसम्म कुल १२ करोड ५४ लाख ७४ हजार २९ रूपैयाँ ग्रस कलेक्सन गरेका छन्। विवरणअनुसार यी फिल्मका कुल ४ लाख १९ हजार ४९१ वटा टिकट बिक्री भएका छन्।