चार हारपछि पोखराको पहिलो जित, कर्णाली ६३ रनले पराजित

नेपाल प्रिमियर लिग (एनपिएल) सिजन ३ मा पोखरा एभेन्जर्सले पहिलो जित हासिल गरेको छ । लगातार चार खेलमा पराजय बेहोरेको पोखराले पाँचौँ खेलमा कर्णाली याक्सलाई ६३ रनले पराजित गर्दै प्रतियोगितामा जितको खाता खोलेको हो ।

पोखराले दिएको २१८ रनको विशाल लक्ष्य पछ्याएको कर्णाली १८.३ ओभरमा १५४ रनमा अलआउट भयो । यससँगै कर्णालीले जारी प्रतियोगितामा तेस्रो हार बेहोरेको छ ।