विभिन्न स्थानबाट लागुऔषधसहित ९ जना पक्राउ

काठमाडौँ- नियमित गस्तीमा रहेको नेपाल प्रहरी टोलीले देशका विभिन्न स्थानबाट लागुऔषधसहित ९ जनालाई नियन्त्रणमा लिएको छ।

नेपाल प्रहरीका अनुसार काठमाडौँ महानगरपालिका-१६ बाट एक, मोरङको बेलबारी नगरपालिका-२ कबिर टोल र बेलबारी नगरपालिका-७ पानी ट्यांकीबाट एक-एक, सिराहाको भगवानपुर गाउँपालिका-४ बलान खोलाबाट एक, कञ्चनपुरको शुक्लाफाँटा नगरपालिका-१२ कुण्डाबाट एक, बर्दियाको गुलरिया नगरपालिका-११ डल्लापुरबाट एक, झापाको बिर्तामोड नगरपालिका-५ सुर्यदल टोलबाट दुई र स्याङ्जाको वालिङ नगरपालिका-८ जैसीपधेराबाट एक जना पक्राउ परेका छन्।