कात्तिक २७ गतेसम्मको मौसम पूर्वानुमान सार्वजनिक

काठमाडौँ। नेपाल मौसम विज्ञान विभागले आगामी कात्तिक २७ गतेसम्मको मौसम पूर्वानुमान सार्वजनिक गरेको छ।

सोमबार साँझ विभागले सार्वजनिक गरेको विशेष बुलेटिनमा पश्चिमी वायुको आंशिक प्रभावका कारण आगामी पाँच दिन देशका हिमाली तथा पहाडी भू-भागमा आंशिक बादल लाग्ने र केही स्थानमा हल्का वर्षा तथा हिमपातको सम्भावना रहेको उल्लेख छ ।